المِهْياص: لا يضحكون عليك

المِهْياص لعبة نقاش واتهامات وتمويه. بينكم ناس من المِهْياص متخفين، والمدنيين لازم يكشفونهم قبل لا يسيطرون على اللعبة. كل واحد له شخصية ودور، ومع كل جولة تطلع تلميحات جديدة، وتبدأ السوالف والشكوك، وبالنهاية تصوتون على شخص عشان تكشفون هويته.

كيف تبدأ؟

• افتح غرفة وأرسل الرابط للمجموعة.
• إذا دخلوا كلهم، ابدأ اللعبة.
• اقروا قصة الجريمة، وكل واحد يشوف شخصيته ومعلوماته السرية.
• بعدها ابدأ أول جولة، واقروا التلميحات وخل النقاش يبدأ.
• إذا خلصتوا نقاش، صوتوا وسَكّر الجولة. أكثر واحد أصوات تكشف هويته، وتبدأ الجولة اللي بعدها.

من يفوز؟

• إذا انكشف كل المِهْياص، يفوز المدنيين.
• أما إذا خلصت الجولات وبقى واحد من المِهْياص أو أكثر، فالفوز لهم.
• وبعد النهاية تنكشف الحقيقة كاملة: من هم المِهْياص، وش صار فعلًا، وكيف تمت الجريمة.

كم نصيحة

• عشان تخلّي التفاعل أحسن، واحد منكم يصير الراوي، يعرّف باللاعبين وشخصياتهم ويقرأ الأحداث للكل.
• إذا كنت من المِهْياص، تعاون مع ربعك ولا تفضحهم.
• وإذا كنت مدني، لا تستعجل بالتصويت... يمكن تطلع البريء وتخدم المِهْياص.